Óheppin á Dynjandisheiði

Lögðum af stað í góðu veðri kl.07:30 og fórum Vesturleiðina frá Þingeyri. Vegurinn var ágætur alla leið að Dynjanda (alltaf er sá foss jafn fallegur og umhverfið í kring) en þegar við komum aðeins upp Dynjandisheiði þá byrjuðu þessar fjandans holur en jú það gekk svo sem ágætlega þangað til við vorum komin langleiðina yfir heiðina þá birtist steinn á miðjum veginum þegar við vorum að koma úr beygju og það eina sem ég gat gert var að stíga ekki of harkalega á bremsuna og beygja rólega frá af því að þetta er malarvegur og við hefðum geta skotist úr fyrir veg í lausamölinni en blessaður steinninn skellist ansi harkalega undir bílinn og heyrði ég á hljóðinu í bílnum að hljóðkútinn hafði skemmst og mig langaði út úr bílnum og öskra hressilega en gerði það nú ekki . Í fyrra á leið heim frá Reykjavík þá eyðilagðist kveikjan í bílnum og vorum við þá stödd í Skriðulandi og það tók allt saman 8. klukkutíma og árið 2006 á leið í bæinn fór hljóðkúturinn uppi á Dynjandisheiði svo að mér finnst ekkert skrítið að mig langaði til að öskra. Ég hringdi í verkstæði í Búðadal og strákarnir þar voru indælir og sögðu mér að líta inn og þeir ætluðu að skoða bílinn fyrir mig sem þeir svo gerðu en kom þá í ljós að púströrið var í sundur við aftasta hljóðkútinn og kúturinn mundi alveg haldast undir bílnum þangað til við kæmum í bæinn, hringdi ég þá í verkstæði í Mosfellsbæ og rakti raunir mínar fyrir blessuðum manninum og sagði hann mér að ef ég reddaði hljóðkút þá mundi hann setja hann undir fyrir mig svo að ég hringdi og reddaði hljóðkút og svo kom Inga Magga vinkona með hann upp í Mosfellsbæ og fórum á verkstæðið sá ég þá að það var sama verkstæðið og 2006. Þeir tóku bílinn strax fyrir mig þessir indælu menn og sögðu við mig í gríni að panta tíma hjá þeim þegar ég yrði á leiðinni næst að vestan. Þið sem eruð að velta fyrir ykkur af hverju ég fór ekki bara inn í Reykjavík og fékk tíma fyrir bílinn minn þar þá er ástæðan sú að ég hef aldrei lagt í að keyra í Reykjavík og geymi þess vegna bílinn minn uppi í Mosfellsbæ á meðan ég er í bænum. Góða helgi .

Komin heim

Við Hannes komum heim seinnipartinn í gær, ferðalagið byrjaði ekki skemmtilega hjá okkur en skrifa um það kannski í kvöld, er svolítið upptekin núna þarf að skreppa á Ísafjörð að skila lyklinum af íbúðinni sem ég leigði.

Orðin hrædd

Hörmuleg eru slysin ég fæ alltaf gæsahúð þegar ég heyri um bíl slysin. Ég hef keyrt á milli Þingeyrar og Reykjavíkur tvisvar á ári stundum þrisvar og hef reynt að leggja af stað eldsnemma að morgni, stundum kl.05:00 til að forðast mikla umferð, en núna er svo komið að maður er farin að hugsa "af hverju flýg ég bara ekki" (hef alltaf verið skíthrædd að fljúga) í staðin fyrir að keyra. Ég viðurkenni að ég er orðin ansi hrædd við að keyra á milli út af þessum mörgu hörmulegu slysum undanfarin ár. Ég verð að fara suður á mánudagsmorgun og það hefur komið upp í mínum kannski skrítna kolli að best sé að leggja af stað á miðnætti eða kl. 02:00 og vera komin kl.08:00 til að mæta ekki bíl, kannski er þetta bara vitleysa í manni en svona er þetta bara orðið hjá mér, ég er kannski bara skrítin skrúfa.

Enn í lífshættu

Skaut óþæga garðsláttuvél

Jæja er nú fólk farið að skjóta á blessaðar sláttuvélarnar .

Skaut óþæga garðsláttuvél

Klúður

Fatta ekki þessa bloggsíðu, er búin að reyna að koma inn bloggi núna í einn klukkutíma og ég fæ alltaf að það sé birt en ég hef ekki séð það ennþá þegar ég er að prufa þetta, þetta hefur aldrei gengið svona á bloggar, þar er mjög einfalt og gott kerfi.