Orðin hrædd

Hörmuleg eru slysin ég fæ alltaf gæsahúð þegar ég heyri um bíl slysin. Ég hef keyrt á milli Þingeyrar og Reykjavíkur tvisvar á ári stundum þrisvar og hef reynt að leggja af stað eldsnemma að morgni, stundum kl.05:00 til að forðast mikla umferð, en núna er svo komið að maður er farin að hugsa "af hverju flýg ég bara ekki" (hef alltaf verið skíthrædd að fljúga) í staðin fyrir að keyra. Ég viðurkenni að ég er orðin ansi hrædd við að keyra á milli út af þessum mörgu hörmulegu slysum undanfarin ár. Ég verð að fara suður á mánudagsmorgun og það hefur komið upp í mínum kannski skrítna kolli að best sé að leggja af stað á miðnætti eða kl. 02:00 og vera komin kl.08:00 til að mæta ekki bíl, kannski er þetta bara vitleysa í manni en svona er þetta bara orðið hjá mér, ég er kannski bara skrítin skrúfa.

Enn í lífshættu

Athugasemdir

[Gunnar Th. (IP-tala skráð) 27.7.2008 kl. 11:11]

Svona er þetta nú bara, umferðin er farin að einkennast um of af þessum þáttum sem hafa orðið meira og meira áberandi í fari fólks síðustu árin: Frekju, yfirgangi og tillitssemi. Manni líður stundum eins og dauðadæmdum manni á aftökustað þegar ferðast er um Suðurlands-og Vesturlandsvegi á annatímum - líf fólks virðist hreinlega hanga á bláþræði á þessum vegarköflum.

Tek undir þetta, sem nefnt er í haus síðunnar, um fegurð Dýrafjarðar, sem er einn fallegasti fjörður landsins. Og svona í leiðinni - annar ámóta fallegur fjörður er Álftafjörðurinn. Heppinn er ég að vera uppalinn milli þessarra tveggja staða!

[Guðrún (IP-tala skráð) 27.7.2008 kl. 13:15]

Sæll, á hvaða stað ólst þú upp og skyldi ég eitthvað kannast við þig? aldrei að vita heimurinn er lítill í dag .

[Gunnar Th. (IP-tala skráð) 27.7.2008 kl. 21:32]

Bifvélav.m. Fæddur ´57 og uppalinn á Ísafirði. Yfirgaf sæluna ´99. Var lengst af í Vélsm. Þór hf., fyrst á bílaverkst. og síðustu fimm árin á lager. Síðan í Steiniðjunni, steypustöð kaupfélagsins og eftir það í Bílatanga til hausts ´99. Aldrei kallaður annað en Teddi.

[Guðrún Hafdís Bjarnadóttir, 27.7.2008 kl. 22:56]

Heyrðu þá þekkir þú kannski mág minn hann Gunnar Þór Gunnarsson fæddur 63? Konan hans heitir Kolbrún. Ég held að Gunnar hafi einhvern tíman unnið í Vélsm. Þór, kannast ekki samt við þig en það klingja einhverjar bjöllur þegar ég hugsa um nafnið Teddi. Best að hunskast í háttinn er á leið suður í nótt , hafðu það gott.

[Gunnar Th. (IP-tala skráð) 31.7.2008 kl. 23:58]

Jú, við Gunnar unnum  hjá Þór á sama tíma, allt til loka. Síðast þegar ég vissi var hann vel geymdur hjá O.V. Við þekkjumst vel.